TATLONG araw ng magkasama si Tami at KG. At sa bawat araw na lang na lumipas ay hindi maaaring hindi siya nito ini-empress sa mga luto nito. At higit sa lahat ay ang pagiging gentleman nito sa kaniya. Never itong nag-take advantage sa kaniya kahit na magkatabi silang natutulog sa iisang kama. Ayaw naman nitong matulog sa sahig kahit igiit niya na lalatagan niya ito roon.
Palaging dahilan ni KG ay hindi sanay ang likod nito sa matigas na higaan. At kapag naman sinasabihan niya na siya na lang ang matutulog sa may sahig ay bubuweltahan naman nito na ililipat at ililipat siya nito ng pagkakahiga sa kaniyang kama.
Kaya naman siya na ang sumuko rito at hinayaan na itong matulog sa kama niya. Kasya naman sila roon. Hindi rin naman ito malikot matulog. Iyon nga lang, sinasanay pa rin niya ang k
