YOU’RE just too good to be true. Can’t take my eyes off you. You’d be like heaven to touch. I wanna hold you so much…
Pinadaanan ni Tami ng kaniyang kamay ang halaman sa hardin. Pagkuwan ay napatingin sa loob ng bahay nang marinig ang malamyos na musika na iyon. Napangiti siya. Pagkuwan ay ipinasya na pumasok na sa loob. Ngunit nasa may pintuan na siya nang mapahinto siya sa paglalakad. Pagkuwan ay nakontento na lamang na isandig ang katawan sa may hamba ng pinto habang nakangiting pinagmamasdan ang kaniyang Lolo’t Lola na sweet na sweet na nagsasayaw sa saliw ng awiting Can’t Take My Eyes Off You.
Dinaig pa ng mga ito ang teenager na in love na in love sa isa’t isa kung magkatitigan habang masayang nagsasayaw.
Nakangiti man siya ngunit hayon at nag-iinit ang bawat sulok ng kaniyang mga
