“HERE we are,” anunsiyo ni Max nang ihinto nito ang kinasasakyan nilang sasakyan sa gilid ng daan.
“Dito na?” taka pang tanong ni Teody sa kapatid.
“Yeah.”
Mukhang seryoso si Max kaya naman bumaba na rin si KG sa kotse nito. Kumunot ang noo ni KG nang makita ang mataas na pader na nagagapangan ng mga halaman. Pagkuwan ay humayon ang tingin niya sa hindi kalayuan kung saan naroon ang mataas ding gate na napipinturahan ng kulay maroon. Hindi roon ipinarada ni Max ang sasakyan nito dahil anito ay ayaw nitong maging obvious sa naroong guwardiya.
“Nandiyan si Tami?” muli niyang binalingan si Max na nakababa na rin ng sasakyan.
“Yes. Nariyan siya.”
Napalunok siya. To think na totoo nga ang sinabi ni Max na nasa malapit nga lang si Tami. Dahil ang kinaroroonan nila ay halos lumabas lang sa
