INAGAHAN ko ang aking paggising dahil magtatanong ako kay daddy Leif about sa narinig ko kahapon. Hindi talaga ako mapakali kahapon pa at atat na atat na akong magtanong about sa Event Night ng G. Smith Company kay daddy Leif.
Habang nagtatrabaho nga ako kahapon sa Karinderya ni Aling Florida ay iyon pa rin ang iniisip ko. Ang about sa party na magaganap sa Company. Kasama kaya kami roon? Sana kasama kami.
“Ang aga mo yatang magising ngayon, Kathleen?”
Napahinto ako nang may magsalita. Nakita ko si Mama na nasa likod ko. “Hindi na po kasi ako inaantok, Mama. Kaya bumangon na po ako. Kayo po, Ma, bakit ang aga niyong nagising?” pagtatanong ko sa kanya.
“Nagdasal ako kanina, Kathleen, katatapos ko lamang magdasal kaya iihi na ako para makatulog ulit.” Malumanay na sabi ni Mama sa aki
