SABADO na ngayon at huling araw na rin ng paglilinis ko sa 8th floor pero pakiramdam ko, ako pa rin next week ang ma-a-assign. Nagluto ako ng almusal para sa amin ni daddy Leif, peace offering ba para sa pagiging matampuhin niya at hindi ko pagsunod sa utos niya na mag-resign ako. Iyon nga lang hindi ko alam kung paano ko ito ilulusot papunta sa office niya na walang nakakahalata.
Mamaya ko na lamang iintindihin iyon, basta maibigay ko lamang itong peace offering ko sa kanya. Ako na bahala mamaya kung ano ang gagawin ko.
“Ma, alis na po ako!” Paalam ko sa kanya, nakatutok kasi siya ngayon sa television. Iyong about sa mga herbal medicine ang palabas, gusto ko ngang ipagamot si Mama roon pero kapos talaga kami. Kaya tanging panonood lamang ang ginagawa niya.
“Mag-iingat ka sa pagpasok
