PAGDATING ko sa utility room ay nag-stay ako sa locker room ko. Napahawak ako sa aking tiyan, nagugutom na ako. Gusto ko nang kumain. Kaya ang ginawa ko ay uminom na lamang ako ng tubig at nag-soundtrip habang hinihintay ang lunch break namin.
“Dahan-dahan lang, Kathleen, sa pagkain. Hindi ka ba kumain ng almusal mo kanina?” Nag-aalalang boses ni ate Lovely sa akin.
Tumingin ako sa kanya. “Konti lang po. Tapos, kanina sa elevator may nakasabay akong may bitbit na kape, lalo tuloy akong na gutom.” Kwento ko sa kanila kaya napatango-tango sila sa akin.
“Kaya naman pala, sige kain lang nang kain, Kathleen.” sabi nila sa akin kaya ngumiti ako.
Pagkatapos namin mag-lunch ay busog na busog ako. Mabuti na lamang ay hindi halata ang aking tiyan na malaki ngayon. “Ang sarap talaga ng luto n
