NAPANGITI ako nang hindi ko namamalayan. Sobrang saya ng aking araw ngayon at dahil iyon kay daddy Leif. Nagpatuloy na akong maglakad papasok sa street namin nang may tumawag sa pangalan ko.
“Hoy, Kathleen!” Rinig ko ang malakas na sigaw mula sa likod ko, kaya napahinto ako at napalingon. Doon ko nakita si Jerome.
Kumunot ang noo ko, nakasakay siya sa kanyang motor at hininto iyon sa tapat ko. “Anong kailangan mo?” pagtatanong ko sa kanya.
“Hoy Kathleen! Bakit hindi ka raw pumasok sabi ni Mama? Papunta na sana ako sa bahay niyo buti na lamang nakita kita rito sa kanto niyo!” Malakas niyang sabi sa akin at bumaba roon sa kanyang motor.
Napataas ang kanang kilay ko sa kanya. “Huh? Bobo ka ba, Jerome? Nagtext ako kay Aling Florida na may biglaan akong lakad.” sabi ko sa kanya at tinady
