EPISODE 15
PATRICIA
“Niloloko mo lang ako? Pinaglalaruan mo lang ako?” naguguluhan kong tanong kay Kyle habang nakatingin ako sa kanya.
Pinilit ko ang sarili kong makapagsalita kahit ang totoo ay gustong-gusto ko na lang tumakbo palayo at umiyak nang umiyak. Pero hindi pwede, kailangan kong malaman ang totoo. Kailangan kong malaman galing kay Kyle kung totoo ba itong sinasabi ng babae na nasa aming tabi ngayon.
“Answer my f*cking question!” galit kong sigaw. Sa sobrang galit ko ay may naramdaman na rin akong luha na pumatak sa aking mga mata at mabilis ko rin itong pinunasan.
Ayoko na masabihan nila akong mahina ngayon dahil umiiyak ako para sa isang lalaki, pero hindi ako umiiyak para lang kay Kyle—umiiyak ako ngayon sa sobrang galit sa aking sarili dahil nagpadala ako sa emosyon at
