EPISODE 16
PATRICIA
“What?! Bibigyan niyo ng mana ang ampon ninyo?! Dad, hindi kami makakapayag ni Myla riyan!” galit na sigaw ni Johndel.
Huminga ako ng malalim at pinakalma ang sarili ko upang hindi ko mapatulan si Johndel na kanina pa naghihimutok ang galit sa loob ng office ni Dad. Si Myla na kapatid ni Johndel ay wala pa rin dito dahil na sa ibang bansa pa ito at may ginagawang importanteng trabaho. Ayoko man na lumabas sa bahay ni Aira at gustuhin na lang na magmukmok sa loob ng kwarto, hindi ko ito magawa dahil pinatawag ako ni Mom at Dad at pinapunta dito sa kanilang bahay dahil may mahalaga itong anunsyo sa amin ngayon.
Hindi ako makapaniwala na ang tinutukoy pala nila na importanteng anunsyo ay ang paghahati sa mga negosyo at kayamanan nila. Ang dahilan ni Dad kung bakit niya
