Jarrah's Pov:
Nauuna sa paglalakad si Ezekiel ngunit hindi n'ya ako hinahayaan na mahuli. Paminsan-minsan ay tumitigil s'ya para hintayin ako.
Ang mapunong parte sa kaliwang bahagi ng lighthouse ang daang tinutumbok namin. Hindi ko talaga alam kung paano n'ya na-discover ang sinasabi n'yang magandang lugar sa likod ng batuhan dahil kung titingnang mabuti, walang makikitang kahit kaunting daan sa bahaging iyon.
Kanina nga lang na tinungo namin ang papasok sa bahaging ito ay bahagya na akong nagduda. Hindi ko naman kasi akalain na may daan talaga sa likod ng makakapal na halaman at mayayabong na mga puno.
Makipot lang ang daan at kung tutuusin ay hindi nga iyon masasabing daanan. Maging ang mga d**o at halaman na tinatapakan namin ngayon ay nanatiling mga nakatayo, iilan lang ang nakahig
