Jarrah's Pov:
Alas siyete pa lang ng umaga ay naglalakad na ako sa hallway ng eskwelahan. Sinadya kong agahan ang pasok para mapag-aralan iyong proposal ni Theo. Mas mabuti na rin iyon para naman hindi na rin ako makisabay sa mga estudyante na mamaya pa papasok.
Ilang estudyante pa lang ang nakikita kong pakalat-kalat sa eskwelahan. Ang iba sa kanila ay mga taga-ibang department na siguradong gusto lang talagang pumasok ng maaga ngayon katulad ko.
Hindi ko alam ang dahilan ng iba, siguro ay dahil maaga rin ang simula ng kanilang mga klase. Hindi ko rin naman kilala iyong mga nakikita ko at mukhang ako lang ang pakalat-kalat na mula sa department namin.
Lumiko ako sa direksyon na kinatatayuan ng library. Patingin-tingin pa ako sa screen ng cellphone para siguraduhing tama ang direksyong
