Jarrah's Pov:
Kung may contest siguro sa paramihan nang pagbuntong-hininga, baka nasa finals na ako at may posibilidad na manalo.
Ilang oras na yata akong panay lang ang pagbuntong-hininga mula nang mahawakan ko ang exclusive pass para sa mangyayaring initiation mamayang gabi.
Kulay ginto iyon, gawa sa papel ngunit halatang hindi mumurahing papel ang ginamit doon dahil matigas iyon at hindi ko rin maintindihan kung bakit kulay ginto ang papel. May pangalan ko iyon sa at sa gilid niyon ay may serial number.
Nasa likod niyon ang address at oras kung saan magaganap ang initiation.
Maliit lang iyon at kasinlaki lang ng ordinaryong identification card ngunit mahalaga iyon.
Base sa paliwanag ni Ezekiel kanina, kailangan kong ingatan ang passes na iyon. Dahil ang passes na hawak ko ay ii
