Jarrah's Pov:
Ilang buntong-hininga pa ang pinakawalan ko bago pumasok sa malaking entrada ng kolehiyo ng La Consolacion.
Mas nakaka-intimidate ang pakiramdam na ibinibigay sa akin ng eskwelahan kaysa noong unang punta ko rito noong nag-enroll ako.
Walang unipormeng required suotin maliban na lang sa ibang kurso na katulad ng Nursing, Education at ng iba pa. Maliban sa mga iyon, casual na mga kasuotan lang ang suot ng mga estudyante. Kung hindi nga lang dahil sa mga I.D. na nakasabit sa kanilang mga leeg ay hindi masasabing nag-aaral dito sa eskwelahan ang mga iyon.
Tumikhim ako at mabilis na pumasok. Hindi lang naman siguro ako ang bagong estudyante rito at magaganda rin naman ang grades ko. Bukod doon ay nanggaling ako sa maganda at sikat na unibersidad sa lungsod kaya hindi ako dapa
