Jarrah's Pov:
Napapangiti ako habang pinapakinggan ang musikang kanina ko pa pinapatugtog. Malaki talaga ang naitutulong niyon sa akin para malibang at huwag nang mag-isip ng kung anu-ano.
Naging takbuhan ko na ang musika sa tuwing may mga bagay na gumugulo sa isip ko. Ang pakikinig doon ang nagbibigay sa akin ng kakaibang comfort na hindi ko makita sa simpleng katahimikan lang.
Alas nueve y medya na ng gabi at nandito na ako sa kuwarto ko. Dalawang oras na yata ako rito at katatapos ko lang gawin iyong ilang assignments at activity na ibinigay ng mga propesor. Iilan lang naman ang mga iyon at hindi pa naman ganoon kahihirap kaya mabilis kong natapos.
Inabot din yata ako ng isa at kalahating oras lara tapusin iyon. Kailangan ko rin kasing intindihin, hindi naman puwedeng sasagutan ko l
