Mugtong-mugto ang mga mata ko habang nakapanungaw sa labas ng sasakyan ni Val. Kung paano ko naidetalye sa kanya lahat ay isang napakalaking katanungan din sa akin.
Nairaos ko yung pagkukwento sa kanya ng hindi niya ako hinuhusgahan. Kung jinudge man niya ako ay hindi rin naman niya kaagad sasabihin sa akin iyon.
Lahat nang plinano at pinangarap ko para sa aming magkakapatid ay naglaho ng parang bula.
Sinamahan pa niya ako sa kakilala niyang Ob-Gyne para magpatingin at doon nga ay nakumpirma ko na buntis ako. Tatlong linggo na. Sumakto sa bilang kung kailan may nangyari sa amin nung lalaki na iyon.
Si Val na ang nakinig ng mga lahat ng kailangan kong inumin at gawin lalo na at ngayong buntis ako.
Wala na kasi sa isipan ko na ilista pa ang lahat ng dapat kong gawin. Pati sa pagbili ng
