"MAGPAPALIT ka ba ng damit o papatayin kita?" galit nang sigaw ng kidnapper kay Ganda. Ilang beses na siya nitong sinabihan na hubarin ang kaniyang wedding gown at palitan ng daster na dala nito. Pero hanggang ngayon ay hindi pa rin siya kumikilos.
Wala itong pakialam kahit may putukan mang nagaganap sa labas ng kuwarto. Sinabihan ito ng kasamahan na i-secure silang mga bihag at siguraduhin na hindi makatakas kahit na ano pa man ang mangyari. May mga kalaban daw kasi ang dumating.
Bagaman at si Ganda ay umaasa na sana na mga pulis na ang kabarilan ng mga kasamahan nito para iligtas sila ni Buboy.
O kaya ay sina Reese at Asyong na iyon.
Pero may pakialam pa ba sa kaniya ang binata pagkatapos niya itong takasan? Siguradong sa mga oras na ito ay napapahiya na ito sa buong Hacienda Ramo
