HININTAY ni Sky Jewel na bumalik si Boss katulad nang sinabi nito. Pero hindi iyon nangyari. Sa halip ay si Axel ang pumasok doon nang lumapag na ang eroplano.
"Let's go," seryosong wika nito sa kaniya.
"We're here na sa Mexico?"
Tumango lang ito. Ni hindi umalis sa pintuan. Hawak pa nito ang pinto. Na para bang minamadali siya nito.
"Where's Boss?"
"Just pack your things and stop asking," iritableng sagot nito. Katulad na katulad talaga ito ng boss nito. Masiyadong maiksi ang pasensiya.
Palinga-linga sa loob ng master's suite si Sky Jewel. Ano ba ang mga gamit niya na kailangan niyang i-empake bukod sa paper bag na may laman na suklay niya, pabango, toothbrush at kung ano-ano pa? Naroon din sa loob niyon ang T-shirt ni Boss na suot niya kanina. Ang jacket naman nito ay ipinantali n
