HINDI alam ni Sky Jewel kung gaano katagal ang naging biyahe nila. Basta naramdaman na lang niya na tumigil ang sasakyan.
"You stay here," wika sa kaniya ng boses ni Boss. "At huwag ka nang magtangka na tumakas. Nakabantay sa'yo sa labas lahat ng mga tauhan ko," mariing dagdag pa nito.
"As if naman makakatakas pa ako nito," nakasimangot na tugon niya at saka iginalaw ang mga kamay na nakaposas.
Ilang sandali pa ay narinig na niya ang pagbukas ng pinto. Mukhang sasama rin si Axel dahil bumukas din ang pinto sa driver's seat.
"Saan kayo pupunta?" tanong niya rito.
"Sa mall."
"What? Magsa-shopping kayo habang maiiwan ako rito na may blind fold at nakaposas? Hindi ba puwedeng kalagan n'yo muna ako?"
"No," simpleng tugon lang nito bago niya narinig ang pagsara uli ng pinto.
Lalong na
