PINAGPAWISAN na nang malapot si Reese dahil sa sobrang tensiyon. Kahit ang mga tao sa simbahan ay bahagyang nagkakagulo na rin. Umuugong ang bulong-bulungan kung nasaan na raw ba ang bride. Kung bakit mahigit isang oras na ay wala pa rin ito.
"Baka naman tinakasan ka na?" pabiro na bulong sa kaniya ni Nicolas na magsisilbi sanang best man niya.
Tiningnan niya ito nang masama. "Sira-ulo ka talaga. Hindi ka nakakatulong sa nararamdaman ko ngayon."
"Sa ginawa mo sa kaniya, hindi nga malabong mangyari 'yon. Real talk lang ako, bro," katuwiran nito. "Bakit naman kasi pinikot mo?"
"You know how much I love her. Kaya ko iyon nagawa."
"And you think she will love you back because of what you did?" nanenermon na sagot uli ng kaibigan. "Mas lalo mo lang siyang binigyan ng dahilan para hindi ka
