Natapos ng madaling araw ang selebrasyon ng kaarawan ni Lucian. Tinamaan na rin siya ng alak. Hindi na nga niya nagawang ihatid pa si Divine pauwi kaya naman inis na inis ito sa kaniya. Nag- inom ng alak si Lucian dahil sa matinding selos na kaniyang nararamdaman ngunit wala naman siyang magawa. Kailangan niya lang magselos ng tahimik upang hindi mahalata.
"Kuya, ano na? Diyan ka na lang sa sofa matutulog? Doon ka na sa kuwarto mo! Pagagalitan ka pa nina mommy at daddy diyan!" suway ni Lorna sa kaniyang kuya Lucian.
Nakapikit na si Lucian dahil inaantok na rin talaga siya siya. Nakatungo siya sa sofa doon. Hindi na niya magawang umakyat pa sa kaniyang kuwarto dahil nahihilo na talaga siya.
"Halika na, kuya! Tutulungan kitang pumunta sa kuwarto mo! Tumayo ka na, bilis!" naiinis na wika n
