Kinabukasan, hindi alam ni Lorna kung paano niya lalapitan at kakausapin si Clark. Nahihiya siya sa binata. Panay ang sulyap niya kay Clark ngunit hindi ito tumitingin sa kaniya. Nai- stress tuloy siya kaiisip na baka galit sa kaniya ang binata. Ngunit naging maayos naman ang pag - uusap nilang dalawa nang sabihin niyang tumigil na ito sa panliligaw sa kaniya.
"Pst, panay ang sulyap mo kay Clark. Bakit?" bulong sa kaniya ni Geraldine.
Ngumisi si Lorna. "Hindi ko kasi alam kung paano ko siya kakausapin. Bigla akong nahiyang lumapit sa kaniya dahil nga sa nangyari. Pakiramdam ko, malaki ang kasalanan ko sa kaniya."
"Loko, hindi iyan. Naiintindihan niya iyan. Pero syempre, nasasaktan iyan. Lalo na kapag nakikita ka. Pero wala naman tayong magagawa. Kausapin mo pa rin siya dahil mas maigi n
