Malungkot na naglakad si Clark palabas ng huli niyang klase. Hindi na niya tiningnan pa si Lorna. Hindi na rin niya ito inabala pang lapitan dahil kahit na ayos lang sa kaniyang hindi na siya pinayagan nitong manligaw, masakit pa rin ito para sa kaniya. Lalo pa't si Lorna ang unang nagpatibok ng kaniyang puso. At seryoso talaga siya sa nararamdaman niya para kay Lorna. Talagang mahal niya ito.
"Clark..."
Nilingon ni Clark ang taong tumawag sa kaniya. Malalaki ang hakbang ni Geraldine na lumapit sa kaniya. Bakas sa mukha ng dalaga ang pag- aalala.
"Ayos ka lang ba? Sinabi sa akin ni Lorna na pinatigil ka na raw niya sa panliligaw. Pagpasensyahan mo na ang kaibigan kong iyon. Hindi pa siguro talaga siya handa. At saka, sinabihan kasi siya ng magulang niya na kailangan niyang ayusin ang pa
