(Trust the magic of new beginning)
AYVA’S POV
“NAGPAALAM ka na ba kay Tito Reynan?” tanong ni Rachel matapos naming kumain ng hapunan. Kasalukuyang naghuhugas ako ng pinagkainan namin samantalang si Rachel ay nagpupunas ng mesa.
“Huwag ka ngang maingay,” pabulong na sabi ko. “Mamaya ko na sasabihin.”
“Ano ang sasabihin mo, anak?” Namilog ang mga mata kong napatingin kay Rachel.
“Ah- kasi Pa, may pupuntahan po ako mamayang gabi. Gusto ko sanang isama si Rachel kaya lang may hindi pa siya natatapos na homework namin kaya ako na lang ang muna mag-isa,” sagot ko.
“Saan ka naman pupunta?” tanong ulit ni Papa. Hindi nga pala ito sanay na umaalis ako sa gabi.
“May kaibigan lang po kikitain, Papa. Okay lang po ba sa inyo? Hindi naman po ako magpapagabi,” ani ko.
“Oh sige, basta mag-iingat
