Masakit pa rin ang ulo ko nang makarating ako ng mansyon. Sinalubong kaagad ako ng mga katulong nang makababa ako ng aking sasakyan at kaagad na kinuha sa mga kamay ko ang hawak ko.
"Maligayang pagbabalik, Senyorito." Halos panabay na bati nila sa akin. Medyo yumukod pa sila ng kaunti bago sila tumingin sa akin at hinintay ang response ko. Tumango lang ako bilang sagot at naglakad na papasok ng main door.
Sumunod naman sila sa akin habang ako ay bahagyang ginagalaw ang aking batok at balikat. Nangawit ako sa halos isang oras na pagmamaneho.
Day-off kasi ni Mang Ambo kaya wala akong driver. Ang humahalili naman sa kanya na si Mang Andres ay hindi pa nag-re-report mula kahapon.
Isang oras pala ang layo ng tinutuluyan ng babaeng iyon sa tinitirhan ko. Akala ko pa naman paglabas ko ng lug
