❀⊱Sandy's POV⊰❀
Sakay kami ng jeep patungo sa lugar ng apartment na tinutuluyan ni Jun, hindi ko alam kung nanduon siya ngayon pero walang masama kung susubukan ko. Hindi ko rin alam kung haharapin ba niya ako ngayon kung sakaling nanduon man siya ngayon, pero kailangan ko itong gawin upang maayos ko ang problemang nagawa ko. Natatakot ako na baka kapag nakita niya kami ay talikuran lang niya ako.
"Huwag kang masyadong mag-alala Sandy, hindi ka matitiis ni Jun, masyadong malalim ang pagmamahal niya sa'yo. Sigurado akong nagpapalipas lamang ito ng sama ng kanyang loob dahil sa nangyari. Hindi pa naman siya nakikipag hiwalay sa'yo, hindi ba? Huwag ka ngang umiyak diyan at pati kami ay naiiyak sa'yo. Tignan mo mga pasaheros patingin-tingin na sa atin," wika ni Jovi ng dinukwang niya ako d
