┈┈┈┈◦•✩•◦┈┈┈┈
Umalis na agad sila ng apartment ni Jun upang magtungo sa bahay nila Sandy. Masayang-masaya si Jun at hindi ito maipagkakaila ng ngiti niya na hindi nawawala sa kanyang mukha. Hindi siya makapaniwala na sa wakas ay matutupad na ang pangarap niya na maikasal sa babaeng iniibig ng kanyang puso, ngunit kailangan muna niyang maging tapat sa mga taong nagtitiwala sa kanya. Kailangan niyang sabihin kung sino siya sa buong pamilya ni Sandy.
"Ang mga ngiti ninyo, parang naka-laminate," wika ni Evelyn kaya natawa ang magkasintahan. Maging si Jovi ay natatawa dahil sa nakikita niya sa dalawang magkapareha na nakaupo sa harapan nila. Pero masaya sila para sa kanilang kaibigan dahil nakikita nila ang kaligayahan sa puso ngayon ni Sandy.
"Baka isipin ng mga pasahero galing kayo ng mote
