❀⊱Sandy's POV⊰❀
Alas sais na ng gabi ng makarinig kami ng katok sa pintuan. Naghahain ako habang ang mga kapatid ko naman ay gumagawa ng homework nila kaya ako na lang ang nagbukas ng pintuan. Pero laking gulat ko ng mukha agad ni Jun ang bumungad sa akin.
"Ano'ng ginagawa mo dito?" tanong ko. Kita ko sa mga mata niya ang pagod at puyat. "Gusto lang sana kitang dalawin. Mula ng bumalik kayo ng Manila ni Celestina ay hindi mo sinasagot ang tawag ko, may problema ba?" sagot niya. Napakamot na ako ng pisngi ko at saka ako nag-peace sign sa kanya. Magsasalita sana ako ng biglang magsalita ang kapatid ko.
"Ate, hindi mo ba papapasukin si Kuya Jun? Umuulan sa labas," wika ni Kaitlyn. Nagulat ako at saka ako napatingin sa katawan ni Jun, basa nga siya kaya agad ko siyang hinila papasok sa loo
