┈┈┈┈◦•✩•◦┈┈┈┈
"Imposibleng hindi ninyo nahahanap ang aking anak. Galugarin ninyo ang buong Pilipinas at bigyan ninyo ako ng isang magandang resulta. Sundan ninyo si Kricel, dahil sigurado akong may alam siya tungkol sa kanyang kuya. Mahal na mahal ni Jun ang kanyang kapatid kaya't tiyak ako na may alam ang anak kong iyon," utos ng ina ni Jun, ang kanyang boses ay puno ng determinasyon at pag-aalala.
"Madam, nasundan na po namin si Senyorita Kricel, ngunit hindi siya naglalagi sa Pilipinas. Mas madalas siyang nagtutungo sa Las Vegas. Isang tanyag at kilalang trilyonaryo ang madalas niyang puntahan doon, ang apo ng mga Antonetti, si Raniel Antonetti Atienza. Sa tingin ko ay magkakaibigan sila ng inyong anak na si Senyorita Kricel, at wala rin ho doon si Senyorito Juancho," sagot ng tauhan
