Chapter 21
“MAMA IRA... MAMA IRA... ‘Asan ka, Mama? Tingnan mo, may dala akong maraming-maraming foods. Bigay na naman ni Kuya Kolas.” Mabilis na napalingon si Indira na nasa harapan ng lababo at nagbibiyak ng isdang ipapatuyo sa maliit ng exit door ng kanilang kusina kung saan tila nanggagaling ang matinis na boses ng batang lalaki.
Naging paborito nilang ulam ang binabad sa suka't bawang na biniyak na isda at bahagyang ipapatuyo sa araw. Masarap iyong parisan ng tsokolate lalo na kung umaga at sa maulan-ulan na panahon.
Napakunot ang noo ni Indira nang makitang ang dungis na naman ng pitong taong gulang na si Blade.
Totoo ngang marami itong bitbit, karamihan ay junk foods at kendi. Mabilis na iniwan ni Indira ang ginagawa upang ilayo ang mga iyon kay Blade dahil kung hindi niya gaga
