Chapter 22
MAGPAPAALAM PA LAMANG sana si Indira sa kapitbahay na si Nenita matapos iabot dito ang kanyang pakay na ibigay nang may humimpil na lumang owner type jeep sa mismong tapat ng bahay nina Nenita. Nakita pa niya kung paano umusok ang alikabok galing sa lupa at naararo ng kaliwang gulong ng owner jeep ang mga paso ng halaman sa labas.
Maliksing umalis si Indira sa pinto ng bahay ni Nenita at humalukipkip sa tabi niyon.
Parang torong mapanikis ang babaeng bumaba sa owner jeep at walang intro-intro o preamble na pinagtatalakan si Nenita.
May gupit itong panlalaki. Magkaterno ang suot na candy pants at tops na nakakainis sa mata ang kulay. Nag-abala rin itong talian ng scarf ang leeg.
Wala sa loob na napahagod sa kanyang lalamunan si Indira. Kung nangyaring naisama pa niya si B
