CHAPTER 41
DRAKE's POV:
"PAANO mo napasagot ang anak ko? Anong ginawa mo sa kanya?" Ito kaagad ang tanong ng tatay ni Cathy sa akin nang makapasok kami sa bahay nila.
Hawak pa rin nito ang itak na tila hindi niya magawang bitawan. Kaya kapag nagkamali ako ng sagot ay tiyak kong paglalamayan na ako ng mga tao rito sa barangay.
Pero kahit papaano ay medyo humupa ang pagiging kabado ng dibdib ko dahil nakita ko na unti-unti nang kumakalma ang matandang kausap ko ngayon.
Hindi nga nagbibiro si Cathy, itak ang siyang makakasalubong ko kapag hinarap ko ang ama niya. Buti na lang ay basketball player ako kaya mabilis at maliksi ako kung tumakbo.
"N-niligawan ko ho siya Sir... Na-love at first sight kasi ako sa anak niyo kaya sinabi ko sa aking sarili na gusto ko siyang ligawan. Kaya ayon,
