CHAPTER 42
DOC. AIDEN POV:
"ANONG BALITA MAMA?" tanong ko sa aking ina nang tumawag muli siya.
Halos isang gabi ko rin na hinintay ang pagtawag niya at nagbabakasakali ako na baka makakuha ako ng impormasyon tungkol sa pag-uwi ni Cathy ng Bicol. Kaya nang tumunog ang cellphone ko ay agad ko itong sinagot kahit na papasok pa lang ako sa hospital.
"Good news anak, bumalik na rito si Cathy... Naririnig ko na nga ang boses ng babaeng iniibig mo. Nagkakasiyahan na sila sa kanilang bahay kaya hindi na muna ako nakihalubilo... Pero ang mahalaga ay dumating din siya, kaya pwedeng-pwede ka nang umuwi rito kahit hindi pa fiesta," saad ni inay na mukhang lumulundag din ang puso niya dahil sa tuwa.
Awtomatikong umukit naman ang mga ngiti sa labi ko sapagkat dininig ng Diyos ang aking dasal kagabi
