Mhina
"You alright?"
Napalingon ako kay Daemon sa tanong niyang 'yon. Kasalukuyan na kami ngayong nasa biyahe at siya ang nagmamaneho ng aming sasakyan patungo sa apartment ni ate Maurice.
"Yeah," sagot ko kahit sa loob-loob ko ay hindi naman talaga.
Kinakabahan ako sa mangyayaring pagkikita nila ni Dandan. Hindi ko na rin magawa pang i-text sila ate at Ana dahil pakiramdam ko ay binabantayan pa rin ni Daemon ang mga kilos ko hanggang sa ngayon.
Nag-iisip pa rin ako ng kapani-paniwalang sagot kung sino ang mga magulang ni Dandan kung sakaling magtanong siya mamaya.
Hindi naman p'wedeng si ate Maurice dahil alam naman niyang wala itong boyfriend. Hindi ko nga alam kung naniwala ba siya sa sinabi ni ate sa kanya kahapon sa coffee shop.
Hindi rin niya ito nakitang nagbuntis sa tuwing
