Mhina
"Daemon, a-anong nangyayari?" tanong ko kay Daemon na ngayon ay lumilibot na ang mga mata sa buong silid na tila may hinahanap.
Muli namang bumalik ang paningin niya sa amin at muling tumitig kay Dandan na hanggang ngayon ay karga ko pa rin.
"Who's that baby? Whose child is he?" tanong niya habang dahan-dahan na siyang naglakad palapit sa amin.
Si Ate Maurice ay hindi na nakagalaw sa tabi ng pinto habang nakatitig din sa amin. Ramdam ko ang kaba niya sa kanyang mukha, na tulad ko. Halos magiba ang dibdib ko sa sobrang lakas ng kabog nito sa mga sandaling 'to.
"A-Aah, a-anak siya ng pinsan namin... sa Batangas!" kaagad na sagot naman ni Ana sa aking tabi kasabay nang mas pagpalapit pa niya sa amin ni Dandan.
Hindi naman siya pinansin ni Daemon at nagpatuloy lang siya sa paglap
