Chapter 15
Suzanne Medina
Nagising ako nang parang may tumusok-tusok na kung anong bagay sa pisngi ko.
Sino 'yang lumalapastangan sa makinis kong mukha?
Dahan-dahan kong binuksan ang mga mata ko. Bumungad sa akin ang mukha ni Clay na-
"Waaahh!"
"Aray! Masakit 'yon. Bakit mo ba ako inuntog d'yan sa matigas mong bungo?" Sabi niya habang hinihimas ang noo niyang napuruhan.
Paano ba naman kasi ang lapit-lapit ng mukha niya sa mukha ko. Ilang pulgada na lang mapang-abot na ang labi naming dalawa.
"Ano ba ang ginagawa mo? Ang lapit-lapit ng pangit mong mukha sa mala-dyosa kong mukha,"
"Wow! Pangit talaga ako?"
"Bakit mo ba tinusok-tusok mo ang ko?"
"Kanina pa kita ginigising ayaw mo namang magising kaya kinuha ko 'yong ballpen sa bag mo saka tinusok ko 'yang chubby mong mukha. Ayan
