Chapter 22
Suzanne Medina
"After you,"
Nangunot ang noo ko nang pagbuksan ako ni Clay ng pinto ng kotse.
Well, no'ng una niya akong ihatid dito sa eskwelahan pinagbubuksan niya ako ng pinto at sinasamahan pa ako sa loob hanggang sa faculty room. Hindi rin ito umaalis ng eskwelahan matapos akong ihatid. Pakalat-kalat lang ito sa loob ng eskwelahan animo'y isang supervisor na nag-i-inspeksyon sa bawat sulok ng eskwelahan.
Makalipas ang dalawang linggo, hindi na niya ako pinagbubuksan at hindi na rin niya ako sinasamahan sa loob hanggang sa parking lot na lang. Kung minsan sa harap na lang ng gate niya ako ihahatid.
Hindi na lang din ako nagreklamo. Wala naman akong pagrereklamuhan. Ayoko namang magreklamo kay Manang Liza at lalong-lalo na kay Prime na hanggang ngayon hindi ko pa nakiki
