Chapter 10
Napatingin ang matipunong lalaki na tinatawag na Boss sa pinto nang may mahinang kumatok dito.
"Pasok," Sabi niya.
Agad pumasok ang isang lalaki. Nangangatog at pinagpapawisan ito ng malagkit. Wala sana itong balak magpakita sa boss niya ngunit hindi na ito nakaiwas nang ipatawag siya nito.
"May balita na ba kayo kung nasa'n siya?" Sabi ng Boss habang nililinis nito ang kanyang baril.
"Paumanhin po Boss pero hanggang ngayon hindi pa rin namin nahahanap ang kina-"
Hindi na natapos ng lalaki ang sinasabi nang bigla na lang itong bumuwal sa kinatatayuan nito at may tama ng baril sa noo.
Nanggagalaiti sa galit ang Boss. Magta-tatlong linggo na niyang pinapahanap ang babaeng mahal at hanggang ngayon wala pa rin siyang balita rito.
Pinakaayaw niya sa lahat ay ang sinasayang an
