PALAKAD-LAKAD si Haden sa balcony ng silid nilang mag-asawa ni Sofi. Pasado alauna na ng umaga pero hindi pa rin ito makatulog. Bukas na kasi makakalabas si Gia sa hospital at gusto nitong sa mansion tumuloy. Naiintindihan naman nito ang kasabikan ni Gia na makitang muli si Drake na sampung taon din niyang hindi nakasama. Kung nalaman lang kaagad niyang ito pala ang Ate Gia niya ay matagal na sana niyang ipinaalam kay Drake.
Napahinga ito ng malalim na tinungga ang whiskey sa baso nito. Naubos na nga nito ang isang boteng whiskey pero hindi pa rin siya dalawin ng antok maski tamaan sa iniinom. Nalaman kasi nitong hindi umuuwi ng mansion ang Kuya Drake nila at nasa condo ni Mia. Mukhang magkarelasyon na nga ang dalawa dahil doon na rin sa unit ni Mia nakatira ang Kuya Drake nila.
"Hubby
