Nagising ako sa magagaang halik sa aking noo, pisngi, ilong, baba at labi.
Ngunit nararamdaman ko pa rin ang paggalaw ng paligid.
Dahan-dahan kong iminulat ang aking mga mata at nakangiting mukha ni Rick ang aking nasilayan.
"Did I wake you up?" tanong niya habang hinahaplos niya ang aking pisngi gamit ang kanyang thumb finger.
Hindi ko namalayang nakatulog na pala ako at sa kanyang dibdib na ako nakasandal habang siya ay mahigpit pa rin ang pagkakayakap sa akin.
Luminga ako sa paligid at naririto pa rin kami sa loob ng kotse at mukhang nasa loob pa rin ng basement nitong barko.
Mabilis akong napatingin sa pambisig kong orasan at isang oras pa lang ang naitatakbo ng barko. Napatitig ako kay Rick at nagtaka ako nang hindi na siya gaanong nangangatal. Mukhang napansin naman niya iyon.
