"Kumain na muna kayo. Pasensya na, hindi ko alam na darating kayo eh, 'di sana nagpa-caiter ako," sabi ni Gavi habang naghahayin ng mga plato sa mesa.
Bumili lang siya ng ulam sa may kanto kanina. 'Yong luto na. Tita daw niya ang may-ari ng karinderya. Si Alyz naman ay tahimik pa rin hanggang ngayon.
Hay, naku. Nami-miss ko na 'yong dating Alyz na maingay, madaldal, masayahin at mapang-asar. Pero ngayon ay nawala silang lahat.
Malaki naman ang bahay ng mga Tita at Tito ni Gavi. Narito kami sa 2nd floor dahil ang ibaba ay paupahan nila. Kwarto-kwarto lang para sa mga nagbo-board.
Siya lang mag-isa ang tao sa ngayon dito dahil ang Tita nga niya ay nasa karinderya kasama ang dalawang anak na babae para tumulong. Bale pinsan niya 'yong dalawang babae.
Ang Tito naman niya ay pumapasada ng
