Hindi rin makasagot si Justine, dahil ayaw niyang pangunahan ang ina.
"Hon… nakita ko na ang anak ko. Si Dille--- siya ang anak ko. Galit siya sa akin," sumbong ng kaniyang asawa at walang tigil pa rin ang pag-iiyak kaya napilitan ang doktor na turukan ng pampatulog ang asawa at saka ito dinala sa pribadong kuwarto.
"Justine, hanapin mo si Dille..." sabi ng kaniyang Mommy bago ito nakatulog.
Dinala ang Mommy ni Justine sa labas para mailipat sa isang pribadong kuwarto at nagpaiwan si Justine. Tulala ito habang nakaupo sa bakanting kama.
"Justine, may itatanong ako," turan ng Tatay ni Dille.
"Ano po 'yan, Tay?" tugon niya sabay punas sa luha. Ganoon din si Tisoy, nagpunas rin sa kaniyang luha.
"Magkapatid ba kayo ni Dille?"
"Hindi po, Tay. Nag-iisang anak po ako sa unang asawa. Per
