ZOEY
"Simula nang dumating ka sa buhay namin puro kamalasan ang dala mo sa pamilya ko!" mariing wika ni Raydin sa akin at binitiwan ng pabalibag ang aking braso.
Galit na galit siya at para siyang bulkan na ayaw paawat sa pagbuga ng apoy. Kinuha niya ang cellphone ko at lalo siyang nagalit nang pagbukas niya ay hindi na ito gumagana.
"Bullshit! Ibigay mo sa akin ang number ni Honey!" utos niya sa akin.
"Nasa cellphone ko ang number niya," wika ko sa kaniya habang patuloy na umaagos ang aking mga luha.
Kinuha niya ang simcard ko at binato niya ulit ang cellphone ko. Pumasok siya sa loob at naiwan ako sa labas ng bahay.
Minabuti ko na lang na maglakad-lakad sa dalampasigan at hinayaan ang mga luha ko sa aking mga mata na pumatak.
Kung kanina ay kinikilig ako ngayon naman ay durog na
