RAYDIN
Habang pinagmamasdwn ko si Zoey ay nakita ko ang pagpatak ng kaniyang mga luha habang nakatingin sa kisame. Blanko lang ang kaniyang emosyon.
"Babe," tanging tawag niya.
"Zoey, nagugutom ka na ba?" tanong ko sa kaniya.
Tumingin siya sa akin at ngumiti. "Babe, mahal mo ako, 'di ba?"
Hindi ko alam kung sasagutin ko ba ang tanong niya o mananatili na tikom ang bibig habang pinagmamasdan siya.
"Babe, sabi mo ako lang ang mahal mo? Pero, bakit? Bakit mo nagawa sa akin, ito? Bakit mo ako niloko?" tanong niya sa akin na hindi ko maintindihan.
"Zoey," mahina kong banggit sa pangalan niya.
Umaagos na naman ang kaniyang mga luha sa kaniyang mga mata.
"Sabi mo ako, lang. Sabi mo mahal mo ako, pero bakit mo ako niloko? Nangako ka sa akin na papakasalan mo ako. Nangako ka sa akin na ma
