ARAW ng interview ni Jeany sa in-apply-an niyang agency. Nagmamadali siya dahil ayaw niyang ma-late. Ngunit nagulat siya nang biglang dumating si Nicolo sa apartment niya.
Nagtaka ito nang makitang nakabihis siya. "May lakad ka, my angel?"
"Oo, Nic. Ngayon kasi ang interview ko sa in-apply-an kong trabaho."
Dumoble ang pagtataka sa guwapo nitong mukha. "Nag-a-apply ka pala ng trabaho?"
Pikit-matang nasapo ni Jeany ang noo. "Oh, I'm sorry. Hindi ko nga pala nabanggit sa'yo. Oo, nag-apply ako noong Monday pa. Part-time job sa isang mall as promodizer itong susubukan kong ipasa mamaya. Wala pa kasi akong mahanap na iba, eh," pagkukuwento ng dalaga.
Lumapit sa kaniya si Nicolo. Hinapit siya at hinalikan. She slowly shut her eyes nang maramdaman na naman ang malalambot na labi ng nobyo. Sa
