HUMANTONG sa isang condominium sa Maynila na hindi kalayuan sa village na pinuntahan nila kanina sina Jeany at Nicolo. Nalula siya sa ganda at taas niyon. Iyon yata ang pinakatayog na building na nakikita niya sa lugar na iyon. Malinis at maayos ang paligid. Pawang mga nagagandahan at naglalakihang establishment lang ang nakapalibot. At halos mga disenteng tao lang ang nakikita roon ni Jeany.
Nawili siya sa kamamasid sa paligid kaya hindi niya namalayang nadala na pala siya ni Nicolo sa seventh floor at nasa tapat na sila ng isang unit.
"Condo unit mo ito, Nic?" tanong niya nang hilahin nito ang kamay niya papasok sa loob.
Pagkasara ng pinto ni Nicolo ay kaagad nitong hinapit sa baywang si Jeany. "This is yours, my angel. Lahat nang makikita mo sa paligid ay sa'yo iyan. I bought this
