MAHIGPIT na hinawakan ni Nicolo ang kamay ni Jeany nang makababa sila ng sasakyan sa garahe ng mansiyon. Nakumbinse kasi siya nito na sumama raw muna siya roon para makita niya sina Manang Tasia at Nina. Miss na raw kasi siya ng mga ito.
"Huwag ka nang kabahan, okay? Sina Manang Tasia at Nina lang 'yon." Marahang pinisil ni Nicolo ang kamay niya. "Kilala nila tayo. Siguradong maiintindihan nila tayo."
"Parang nanliliit ako, Nic, eh. Feeling ko, inagaw kita kay Ma'am Gwen at kay Baby Elliana."
Humarap sa kaniya ang binata at magiliw siyang hinawakan sa ulo. Pagkatapos ay hinalikan siya sa forehead. "Wala kang inagaw o inaagaw, my angel. Forever akong Daddy ni Elliana. Hindi iyon magbabago. At si Gwen ay parte na lang ng past ko. So for now, I'm all yours. And you are mine."
Nabawasan a
