MAY meeting sa school ni Elliana nang araw na iyon. At dahil hindi puwedeng pumunta ang mga magulang nito kaya si Jeany ang pinakiusapan ng mag-asawa na dadalo. At nag-enjoy naman ang dalaga dahil marami siyang nakilala.
"Thank you so much for attending our first general meeting this year, Miss Advincula," nakangiting wika ng principal ng school na pinapasukan ni Elliana, pagkatapos ng meeting. Guwapo at halos kaedad lang ni Jeany. At balitang binata pa rin. "Usually, si Mr. Gonzales ang uma-attend kapag may meeting. But I'm glad na makaharap ko ng personal ang bali-balitang nag-train kay Elliana sa declaimation speech niya kaya nag-champion ang school natin this year."
"You're welcome po, Sir Racky. Nakakataba naman ho ng puso ang malaman na sumikat pala ako rito sa school," pagpapaku
