DALAWANG buwan na rin si Jeany sa mansiyon ng mga Gonzales. At hanggang ngayon ay binabayaran pa rin niya kay Nicolo ang cellphone. Todo-tanggi ang lalaki pero mapilit ang dalaga. Ayaw na ayaw niya ang masabihan na oportunista, kahit alam niyang never iyong sasabihin sa kaniya nang mababait niyang amo.
Katatapos lang maligo ni Jeany nang pumasok sa quarter nila ang isa ring kasambahay na si Nina. Mas bata ito sa kaniya ng tatlong taon pero isang taon nang naninilbihan sa mansiyon.
"Halika, Ate Jeany. May ipapakita ako sa'yo." Bakas sa boses nito ang excitement.
"Ano na naman ba 'yon?"
"Basta. Malalaman mo pagkalabas natin."
"Mamaya na. Magbibihis muna ako. Kita mo namang naka-robe pa ako, o."
Hinawakan siya ni Nina sa kamay. "Okay na 'yan. Hindi naman masagwa tingnan, eh. Sexy ka nam
