"HINDI ko in-expect na gan'on kababaw ang conflict ng story na ito..." Tumigil sa pagsasalita si Nicolo nang wala siyang nakuhang sagot mula sa nobya. Napangiti na lang siya nang makitang nakatulog na pala ito sa hita niya. Tatlong oras na rin kasi silang nanonood ng movie sa entertainment room ng mansiyon niya.
Ilang sandali na pinagmasdan muna niya ang mukha ni Jeany. Mapayapa ang tulog nito. Nakakatuwa na wala siyang makitang pagkabahala sa mukha nito sa kabila nang pagkadisgusto rito ni Mommy Ichika.
Nagbaba ng tingin si Nicolo at marahang hinalikan sa mga labi ang nobya. Ayaw sana niyang istorbohin ang tulog nito. Pero kailangan na nilang lumipat sa kuwarto niya para makahiga na ito nang maayos.
"Wake up, my angel..." May pagmamahal na hinaplos ni Nicolo ang malaporselana nitong
