"KILALANIN n'yo po kasi muna si Jeany, Mom, bago n'yo sabihin na hindi n'yo siya gusto."
Sa kabila ng sama ng loob na naramdaman ni Nicolo para kay Mommy Ichika ay nanatili siyang kalmado. Sinisikap din niya na huwag tumaas ang boses. Kilala niya ang ina. Lalo itong tumitigas kapag tinataasan ng boses. Hindi rin ito madaling kumbinsehin. Kaya nga tinulungan na siya ng kaniyang ama na magpaintindi tungkol kay Jeany. Katatapos lang nilang mag-almusal at nasa veranda sila ng mansiyon niya. Si Jeany naman ay hindi na niya napigilan na tumulong sa paghuhugas ng mga pinggan.
"Your son is right, Ichika," pagsasang-ayon sa kaniya ni Daddy Henry. "Kapag nakilala mo si Jeany, makikita mo ang magagandang katangian niya bilang babae. Minsan mo nang sinabi na gusto mo siya dahil magaling siyang mag-
